ტრენინგი - „IFES-ის სამოქალაქო განათლების კურსების ეფექტური სწავლების მეთოდოლოგია“
თბილისში 24-25 სექტემბერს, საერთაშორისო ფონდის (IFES), ორგანიზებით, USAID-ის საარჩევნო და პოლიტიკური პროცესების პროგრამის ფარგლებში ჩატარდა ტრენინგი „IFES-ის სამოქალაქო განათლების კურსების ეფექტური სწავლების მეთოდოლოგია.“
ტრენინგში მონაწილეობდნენ IFES-ის მიერ შექმნილი საუნივერსიტეტო კურსის „დემოკრატია და მოქალაქეობის“ და პროფესიული საგანმანათლებლო დაწესებულებების სამოქალაქო განათლების მოდულის დამწყები პედაგოგები. სამოქალაქო განმანათლებლებისთვის ჩატარებული ინტერაქტიული ორდღიანი ტრენინგი მოიცავდა შემდეგ თემებს: დემოკრატიის, სახელმწიფოსა და სამოქალაქო საზოგადოების ძირითადი მახასიათებლები, ადგილობრივი თვითმმართველობის პრინციპები, ადამიანის უფლებების თაობები და თვისებები, სტუდენტური სამოქალაქო ჩართულობის პროექტების განხორციელების ეტაპები.
2010 წლიდან IFES, USAID-ის თანადგომით, ზრუნავს უნივერსიტეტებისა და პროფესიული საგანმანათლებლო დაწესებულებების სამოქალაქო განათლების კურსების ლექტორთა გადამზადებაზე, სტუდენტების სამოქალაქო კომპეტენციის ამაღლებასა და საზოგადოებრივ ცხოვრებაში მათ აქტიურ მონაწილეობაზე.
მსგავსი სიახლეები
ვიშეგრადის საერთაშორისო ფონდის კვლევის საგრანტო პროგრამა 2021-2022
ვიშეგრადის საერთაშორისო ფონდი (IVF) ევროპის უნივერსიტეტის ინსტიტუტთან (EUI) ერთად აცხადებს კვლევით საგრანტ...
ვრცლადსოციალურად დაუცველი და წარმატებული სტუდენტების დაფინანსების მიზნით, განცხადებების მიღება იწყება
თბილისის მერია პირველი მარტიდან სოციალურად დაუცველი სტუდენტების 2020-2021 სასწავლო წლის გაზაფხულის სემესტრ...
ვრცლად