თჰუ-ს სტუდენტები Erasmus+ გაცვლითი პროგრამის ფარგლებში სოფიას უნივერსიტეტს ეწვივნენ

თბილისის ჰუმანიტარული სასწავლო უნივერსიტეტის ჯანდაცვის ფაკულტეტის სტუდენტები Erasmus+ გაცვლითი პროგრამის ფარგლებში ბულგარეთის, სოფიას სამედიცინო უნივერსიტეტს ეწვივნენ. სტომატოლოგიის პროგრამის წარჩინებული სტუდენტები გაზაფხულის სემესტრს აღნიშნულ უნივერსიტეტში გაატარებენ, სადაც გაიღრმავებენ და მიიღებენ როგორც თეორიულ, ისე პრაქტიკულ ცოდნასა და გამოცდილებას. უნივერსიტეტის ადმინისტრაცია ჩვენს სტუდენტებს უსურვებს ნაყოფიერ და წარმატებულ სასწავლო პროცესს.