მნიშვნელოვანი სიახლე -"მოიპოვე სტიპენდია"

(დიმიტრი ემუხვარისა და ჟიული

შარტავას სახელობის სტიპენდიები)

გაცნობებთ, რომ აფხაზეთის ავტონომიური რესპუბლიკის განათლებისა და კულტურის სამინისტრო ბაკალავრიატისა და მაგისტრატურის საფეხურის წარჩინებული სტუდენტებისათვის აცხადებს კონკურსს, დიმიტრი (არზაყან) ემუხვარის და ჟიული შარტავას სახელობის სტიპენდიების მოსაპოვებლად.

სტიპენდია ემსახურება ახალგაზრდებში აფხაზეთის საკითხისადმი ინტერესის გაღვივებასა და ზოგადად თემის პოპულარიზაციას. სამიზნე ჯგუფებს წარმოადგენენ აფხაზეთის თემატიკაზე მომუშავე განსაკუთრებული მიღწევებითა და წარმატებებით წარმოჩენილი აკრედიტებული უმაღლესი საგანმანათლებლო პროგრამების (ბაკალავრიატი, მაგისტრატურა) სტუდენტები, რომლებსაც აქვთ 90% და მეტი აკადემიური მოსწრება, მონაწილეობდნენ სტუდენტურ კონფერენციებში, გამოქვეყნებული აქვთ საკონფერენციო ნაშრომი და არიან საზოგადოებრივად აქტიურები.

დამატებითი ინფორმაციისათვის მიმართეთ სტუდენტთა თვითმმართველობას!

სტუდენტთა მხარდაჭერისა და კარიერული განვითარების სამსახური

                              გისურვებთ წარმატებას!