თჰუმ დააფინანსა და გახდა პარტნიორი პროექტის

18.06.2018

თჰუმ დააფინანსა და გახდა პარტნიორი პროექტის - კულტურა საზღვრებს გარეშე

საქართველოს კულტურისა და სპორტის სამინისტროს ხელშეწყობითა და ა(ა)იპ „1 ეკვილიბრიუმის“ ორგანიზებით, 10 მაისიდან - 28 სექტემბრის ჩათვლით, განხორციელდება პროექტი ,,კულტურა საზღვრებს გარეშე". აღნიშნულ თემასთან დაკავშირებით, 7 მაისს, კულტურის სამინისტროში გაიმართა პრესკონფერენცია, რომელსაც უძღვებოდნენ საქართველოს კულტურისა და სპორტის სამინისტროს ხელოვნებისა და განათლების დეპარტამენტის დირექტორი იამზე გვათუა, საქართველოს ეროვნული ბიბლიოთეკის დირექტორი გიორგი კეკელიძე, თბილისის ჰუმანიტარული უნივერსიტეტის პრორექტორი კახი ყურაშვილი და პროექტის მენეჯერი ალექსანდრე გრიგალაშვილი.

პროექტის „კულტურა საზღვრების გარეშე“ ფარგლებში, დაგეგმილია რიგი ღონისძიებების გამართვა შიდა ქართლისა და სამეგრელო-ზემო სვანეთის რეგიონებში დაგეგმილ აქტივობებში ჩაერთვებიან ადგილობრივი მოსახლეობა, ასევე სამაჩაბლოდან და აფხაზეთიდან დევნილი ახალგაზრდები. ადგილობრივი პედაგოგები მოისმენენ და შემდგომში მოსწავლეებს გაუზიარებენ კვალიფიციური მომხსენებლების - მეცნიერების, ხელოვანების და მწერლების ლექციებს მიმდინარე წლის საიუილეო თარიღებთან დაკავშირებით:

• საქართველოს დამოუკიდებლობის 100 წლისთავი;

• ქართული მწერლობა და ხელოვნება 1918-1921;

• ალ. ყაზბეგის, კ. გამსახურდიას, ო. ჭილაძის, ა. ბაქრაძის, ნ. დუმბაძის საიუბილეო თარიღებისადმი მიძღვნილი ლექციები;

• მოეწყობა სხვადასხვა სახის გამოფენები ადგილობრივი ახლაგარზდა ხელოვანების მონაწილეობით;

• ბოლო დროის ქართული მოკლემეტრაჟიანი, სრულმეტრაჟიანი მხატვრული ან/და დოკუმენტური ფილმების ჩვენება;

• გაიმართება მუსიკალური კონცერტები ადგილობრივი ანსამბლების და დედაქალაქიდან ჩასული მუსიკოს-შემსრულებლების მონაწილეობით.

პროექტის ფარგლებში დიდი მნიშვნელობა ენიჭება წიგნის ხელმისაწვდომობის საკითხსაც.

ამ ეტაპზე პროექტის განხორციელებისათვის შერჩეულ სოფლებში (ტყაია, მეჯვრისხევი, ორსანტია, მერეთი), არ არსებობს ბიბლიოთეკები და თავშეყრის ისეთი ადგილები, სადაც ადგილობრივი მოსახლეობა ისარგებლებს წიგნებით და განახორციელებს საგანმანათლებლო აქტივობებს და შემეცნებით ღონისძიებებს.

ქართველი გამომცემლებისა და სხვადასხვა კომპანიის ჩართულობით, მოხდება ღია სამკითხველოების დაარსება - სივრცის, სადაც ახალგაზრდებს შეეძლებათ იკითხონ წიგნი, განახორციელონ საგანმანათლებლო აქტივობები, რაც ხელს შეუწყობს წიგნის პოპულარიზაციასა და განათლების დონის ამაღლებას.

პროექტის პარტნიორები: შპს თბილისის ჰუმანიტარული სასწავლო უნივერსიტეტი; შპს „გამომცემლობა პალიტრა L“; შპს „ბაკურ სულაკაურის გამომცემლობა“; შპს „ნოვა“; შპს „ციტადელი“; შპს „დომინო“.

მსგავსი სიახლეები

საქართველოს პარლამენტის ეროვნულმა ბიბლიოთეკამ დროებით გახსნა თავისუფალი წვდომა დახურულ ბაზებზე

07.04.2020

საქართველოს პარლამენტის ეროვნულმა ბიბლიოთეკამ დროებით გახსნა თავისუფალი წვდომა დახურულ ბაზებზე

ქვეყანაში შექმნილი ვითარებიდან გამომდინარე, საქართველოს პარლამენტის ეროვნულმა ბიბლიოთეკამ დროებით გახსნა თ...

ვრცლად

ინოვაციური განათლების ცენტრის ტრენინგი: საგრანტო განაცხადის წერა - სტრატეგია და ტექნიკები

27.01.2022

ინოვაციური განათლების ცენტრის ტრენინგი: საგრანტო განაცხადის წერა - სტრატეგია და ტექნიკები

2022 წლის 21-22 იანვარს, თბილისის ჰუმანიტარული სასწავლო უნივერსიტეტის აკადემიურმა პერსონალმა - ილონა საყვარელიძემ, ნინო აბაიშვილმა, მარინე...

ვრცლად

- „კომუნიკაციის გამოწვევები - სად არის ზღვარი PR-სა და მარკეტინგს შორის

18.05.2023

- „კომუნიკაციის გამოწვევები - სად არის ზღვარი PR-სა და მარკეტინგს შორის

ვრცლად

ყველა სიახლე