სტუდენტებსა და კურსადმთავრებულებს გიწვევთ მოხალისეობის გამოფენა-ფორუმზე!

სტუდენტებსა და კურსადმთავრებულებს გიწვევთ

მოხალისეობის გამოფენა-ფორუმზე!

   2023 წლის 7 აპრილს  საქართველოს ეროვნულ უნივერსიტეტში (წინანდლის ქ. N9) არასამთავრობო ორგანიზაცია "ჰელფინგ ჰენდის" ორგანიზებით 15:00 საათიდან 19:00 საათამდე გაიმართება ყოველწლიური მოხალისეობის გამოფენა.

ღონისძიების მიზანია მოხალისეობის, როგორც დემოკრატიული საზოგადოების განვითარების ერთ-ერთი მძლავრი მექანიზმის, პოპულარიზაცია და ახალგაზრდებისა და, ზოგადად, მოქალაქეების მოხალისეობრივ პროგრამებში აქტიური ჩართულობის ხელშეწყობა.

ყოველწლიურად გამოფენა-ფორუმში მონაწილეობს 40-მდე სამოქალაქო ორგანიზაცია, რომლებიც ემსახურებიან ახალგაზრდების გაძლიერებას, გენდერული თანასწორობის ხელშეწყობას, შეზღუდული შესაძლებლობის მქონე პირებს, მზრუნველობას მოკლებულ და მიუსაფარ ბავშვებს, უსინათლოებს, სხვადასხვა საჭიროებების მქონე ადამიანებს და ა.შ.

ღონისძიებაზე წარმოდგენილი იქნება კონკრეტული პროგრამები, სადაც მოხალისეობის მსურველებს, მათ შორის სკოლის მოსწავლეებსა და სტუდენტებს შეეძლებათ დარეგისტრირება და მოხალისეობრივ საქმიანობებში ჩართვა. დაინტერესებულ ახალგაზრდებს რეგისტრაცია შეუძლიათ გაიარონ შემდეგ ბმულზე: https://forms.gle/STrqyDmZkGeuiiDk7

დამატებითი კითხვების შემთხვევაში დაგვიკავშირდით: 551 143 595