პირველად საქართველოში: SAP-ის სერტიფიცირებული ტრენინგი სტუდენტების, კურსდამთავრებულებისა და დამსაქმებლებისათვის (SAP® S/4HANA ბიზნეს პროცესების ინტეგრაციის (TS410) კურსი)

 აღმოსავლეთ ევროპის უნივერსიტეტისა და თბილისის ჰუმანიტარული სასწავლო უნივერსიტეტის ორგანიზებით მიმდინარე წლის 14 სექტემბრიდან 21 სექტემბრის ჩათვლით ტარდება SAP-ის სერტიფიცირებული ტრენინგი სტუდენტების, კურსდამთავრებულებისა და დამსაქმებლებისათვის.

SAP® არის საწარმოს პროგრამული უზრუნველყოფის წამყვანი პროვაიდერი, რომელიც ეხმარება კომპანიებსა და მთავრობებს მსოფლიოს მასშტაბით კლიენტებთან ურთიერთობის გაუმჯობესებაში, პარტნიორებთან თანამშრომლობასა და ბიზნეს ოპერაციების ეფექტურობის ზრდაში.

დღეისათვის, SAP®-ს ჰყავს 335.000-ზე მეტი მომხმარებელი, მათ შორის მრავალი მსხვილი კორპორაციები და Dax-კომპანიები. SAP®-ს იყენებს დაახლოებით 12 მილიონი მომხმარებელი მთელს მსოფლიოში.

SAP® S/4HANA ბიზნეს პროცესების ინტეგრაციის (TS410) კურსი არის 8 დღიანი ტრენინგი, სადაც მონაწილეები სწავლობენ საწარმოში ინტეგრირებულ ბიზნეს პროცესებს.

• SAP ისტორია, საფუძვლები (დღე 1)

• გარე და შიდა აღრიცხვა, ჩაშენებული ანალიტიკა (დღე 2 და 3)

• შესყიდვა (დღე 4)

• წარმოების დაგეგმვა და კონტროლი (დღე 5)

• გაყიდვები (დღე 6)

• ადამიანური გამოცდილების მენეჯმენტი (დღე 7)

• პროექტის სისტემები (დღე 8)

• საწარმოთა აქტივების მენეჯმენტი (დღე 8)

ტრენერი: Ernst Schulten (ერნსტ შულთენი) - SAP® S/4HANA-ს სერტიფიცირებული ტრენერი, რომელიც უძღვება 150-ზე მეტ კურსს უნივერსიტეტებსა და კომპანიებში მთელი მსოფლიოს მასშტაბით, მათ შორის აშშ-ში, გაერთიანებულ სამეფოში, ესპანეთში, შვეიცარიაში, ფინეთსა და ახლო აღმოსავლეთის რეგიონში.

ფორმატი: ჰიბრიდული (ონლაინ და პირისპირ)

ჩატარების ადგილი: აღმოსავლეთ ევროპის უნივერსიტეტი 

ჩატარების დრო: 14.09.2024-დან 21.09.2024-ის ჩათვლით, 10.00 სთ-დან 15 საათამდე.

ტრენინგის სამიზნე ჯგუფები: ბიზნესის, ეკონომიკის, ფინანსებისა და მენეჯმენტის მიმართულება: საბაკალავრო პროგრამის დამამთავრებელი კურსის სტუდენტები, სამაგისტრო პროგრამის სტუდენტები, კურსდამთავრებულები და დამსაქმებლები. 

სამუშაო ენა: ინგლისური

ტრენინგში მონაწილეობის მოთხოვნა: ინგლისური ენის ცოდნა სულ მცირე ბ1 დონეზე.

ტრენინგის საფასური: მონაწილეობა აღმოსავლეთ ევროპის უნივერსიტეტის სტუდენტებისა და თბილისის ჰუმანიტარული სასწავლო უნივერსიტეტის სტუდენტებისთვის უფასოა. სხვა პირთათვის მონაწილეობის საფასური შეადგენს 300 ლარს.

რეგისტრაციის ბოლო ვადა: 25 ივლისი, 2024

სარეგისტრაციო ბმული: https://forms.gle/vDE43Jp9Q7ebAEFL6

ტრენინგის დასასრულს ჩატარდება ტესტირება და გაიცემა სერტიფიკატი.