თჰუ-ს VII საერთაშორისო სამეცნიერო-პრაქტიკული ინტერდისციპლინური კონფერენცია

თბილისის ჰუმანიტარული უნივერსიტეტი გიწვევთ VII საერთაშორისო სამეცნიერო-პრაქტიკულ ინტერდისციპლინურ კონფერენციაში მონაწილეობის მისაღებად, რომელიც 2026 წლის 4 დეკემბერს გაიმართება.

კონფერენციის ფორმატი: ჰიბრიდული.

თანაორგანიზატორი: საერთაშორისო CEO (კომუნიკაცია, ეკონომიკა, ორგანიზაცია) სოციალურ მეცნიერებათა კონგრესი (CEO Congress), თურქეთი.

სერტიფიკატი და პუბლიკაცია: კონფერენციის ყველა მომხსენებელს გადაეცემა ელექტრონული სერტიფიკატი. მიღებული აბსტრაქტები გამოქვეყნდება კონფერენციის მასალების კრებულში, რომელსაც მიენიჭება ISBN და Zenodo-ს ციფრული ობიექტის იდენტიფიკატორი (DOI).

სრული ნაშრომის გამოქვეყნება: მიღებული აბსტრაქტების ავტორებს, სურვილისამებრ, შესაძლებლობა ექნებათ, სრული სამეცნიერო სტატია უფასოდ გამოაქვეყნონ თჰუ-ს ყოველწლიურ რეფერირებად ჟურნალში „შრომათა კრებული“, რეცენზირების დადებითი დასკვნის შემთხვევაში.

ამ შესაძლებლობით სარგებლობის მსურველმა ავტორებმა კონფერენციაზე რეგისტრაციისას სარეგისტრაციო ფორმაში უნდა მონიშნონ შესაბამისი ველი.

კონფერენციის სამეცნიერო მიმართულებები:

1. ჰუმანიტარული მეცნიერებები და ენების სწავლება;
2. სოციალური მეცნიერებები (სამართალმცოდნეობა, ფსიქოლოგია);
3. ბიზნესის ადმინისტრირება და მწვანე ეკონომიკა (მათ შორის, მდგრადი ტურიზმი);
4. სტომატოლოგია და ჯანდაცვა (მათ შორის, ფარმაცია);
5. ინტერდისციპლინური სექცია: ხელოვნური ინტელექტი, ციფრული ეთიკა და მდგრადი განვითარება (მათ შორის, საბუნებისმეტყველო მეცნიერებები).

სამუშაო ენები: ქართული და ინგლისური.

მნიშვნელოვანი თარიღები:

• აბსტრაქტების წარდგენის ბოლო ვადა – 2026 წლის 1 ნოემბერი;
• შედეგების შესახებ შეტყობინება და სარეგისტრაციო ბმულის გაგზავნა – 2026 წლის 13 ნოემბერი;
• რეგისტრაცია – 2026 წლის 13–22 ნოემბერი.

აბსტრაქტის წარდგენის მოთხოვნები:

• ORCID იდენტიფიკატორი (მკვლევრის უნიკალური საერთაშორისო იდენტიფიკატორი, რომელიც უსასყიდლოდ გაიცემა; მისი არქონის შემთხვევაში გაიარეთ რეგისტრაცია: https://orcid.org/register);
• ავტორის (თანაავტორების) სახელი, გვარი, სამეცნიერო ხარისხი და აფილაცია;
• ავტორის ელექტრონული ფოსტა და ტელეფონის ნომერი;
• ნაშრომი არ უნდა იყოს ადრე გამოქვეყნებული ან სხვა გამოცემაში განსახილველად წარდგენილი;
• ფაილი წარმოდგენილი უნდა იყოს DOC/DOCX ფორმატში;
• აბსტრაქტი (ქართულ  ან ინგლისურ ენებზე, 100–150 სიტყვა), ციტატების, ცხრილებისა და ილუსტრაციების გარეშე;
• საკვანძო სიტყვები (5–7).

აბსტრაქტის ფორმა: ../Documents/THU /Conference 2026/აბსტრაქტის ფორმა-Abstract Template.docx

წარდგენის წესი: აბსტრაქტი წარმოდგენილი უნდა იყოს შემდეგი ონლაინფორმის მეშვეობით:

https://forms.gle/GRu6TZ3cMMnnL4H17

• ფორმაში მიუთითეთ ავტორის მონაცემები და ატვირთეთ აბსტრაქტი DOC/DOCX ფორმატში.
• ფაილის ასატვირთად საჭიროა Google-ის ანგარიში.
• მისი არქონის შემთხვევაში აბსტრაქტი გამოგზავნეთ ელექტრონულ ფოსტაზე conference.thu@gmail.com და თემის ველში მიუთითეთ: „VII Conference – მიმართულების ნომერი – გვარი“ (მაგ.: VII Conference – 3 – Tomson).
• აბსტრაქტის მიღების შემთხვევაში ავტორებს სარეგისტრაციო ბმული ელექტრონული ფოსტით გაეგზავნებათ.

კონფერენციაში მონაწილეობა, აბსტრაქტების გამოქვეყნება და სრული ნაშრომების პუბლიკაცია ჟურნალში „შრომათა კრებული“ უფასოა.

დამატებითი ინფორმაციისთვის მიმართეთ თჰუ-ს კვლევებისა და განვითარების ცენტრს: conference.thu@gmail.com

თჰუ-ს კვლევებისა და განვითარების ცენტრი