ქართულ ენაში მომზადების საგანმანათლებლო პროგრამის სტუდენტები სტუმრად თსუ მუზეუმში

2024 წლის 4 ივნისს, თბილისის ჰუმანიტარული სასწავლო უნივერსიტეტის სამართლის, ჰუმანიტარულ და სოციალურ მეცნიერებათა ფაკულტეტის ორგანიზებით, ქართულ ენაში მომზადების საგანმანათლებლო პროგრამის სტუდენტები იმყოფებოდნენ ივანე ჯავახიშვილის სახელობის თბილისის სახელმწიფო უნივერსიტეტის მუზეუმში. სტუდენტებმა მოინახულეს თსუ ისტორიის მუზეუმი. ასევე, დაათვალიერეს არქეოლოგიის, გეოგრაფიის, სახვითი ხელოვნების დარბაზები. სტუდენტებს უმასპინძლა თსუ მუზეუმის მთავარმა სპეციალისტმა, ისტორიის მეცნიერებათა დოქტორმა ალექსანდრე მარუაშვილმა.