Erasmus + პროგრამის ფარგლებში, სოფიას სამედიცინო უნივერსიტეტის (ბულგარეთი) პროფესორი ჯანეთ კირილოვას ვიზიტი

08.07.2025

Erasmus + პროგრამის ფარგლებში, სოფიას სამედიცინო უნივერსიტეტის (ბულგარეთი) პროფესორი ჯანეთ კირილოვას ვიზიტი

თბილისის ჰუმანიტარულ სასწავლო უნივერსიტეტს, საერთაშორისო ურთიერთობების სამსახურის ორგანიზებით, Erasmus + პროგრამის ფარგლებში, სოფიას სამედიცინო უნივერსიტეტის (ბულგარეთი) პროფესორი ჯანეთ კირილოვა ეწვია.

ვიზიტის მიზანი სოფიას სამედიცინო უნივერსიტეტსა და თბილისის ჰუმანიტარულ სასწავლო უნივერსიტეტს შორის სამეცნიერო-აკადემიური თანამშრომლობის გაღრმავება იყო.

5 დღის განმავლობაში პროფესორი ჯანეთ კირილოვა აქტიურად ჩაერთო აკადემიურ და პრაქტიკულ აქტივობებში. მან ჩაატარა საჯარო ლექციები ჯანდაცვის ფაკულტეტის აკადემიური პერსონალისა და სტუდენტებისათვის.

პროფესორის შეფასებით ვიზიტი იყო ინფორმატიული, ნაყოფიერი და პროფესიულად ღირებული.