უმაღლესი საგანმანათლებლო აკადემიური პროგრამის სწავლის შედეგების ფორმირება და შეფასება.

თბილისის ჰუმანიტარული სასწავლო უნივერსიტეტის ორგანიზებით, უნივერსიტეტის აკადემიური და მოწვეული პერსონალისთვის 27 ივნისს ჩატარდა ტრენინგი თემაზე: „უმაღლესი საგანმანათლებლო აკადემიური პროგრამის სწავლის შედეგების ფორმირება და შეფასება.“ ტრენინგი ჩაატარა პროფესორმა დავით სიხარულიძემ.

ტრენინგის ფარგლებში განხილულ იქნა: უმაღლესი აკადემიური საგანმანათლებლო პროგრამების მარეგულირებელი ნორმატიული ჩარჩო; პროგრამის მიზნებისა და სწავლის შედეგების ფორმირების საკითხები, ბლუმის ტაქსონომიური ზმნების გამოყენების თავისებურებები; პროგრამის სასწავლო კურსებისა და სწავლის შედეგების ურთიერთკავშირის რუკის აგების საკითხები; პროგრამის სწავლის შედეგების შეფასების მეთოდოლოგია, შეფასების მეთოდების და ინტენსივობის განსაზღვრის საკითხები; პროგრამის სამიზნე ნიშნულების დადგენის სპეციფიკა; პროგრამის გასაუმჯობესებლად სწავლის შედეგების შეფასების გამოყენება და სხვა.

ტრენინგში მონაწილე აკადემიური და მოწვეული პერსონალისთვის გაიცემა ტრენინგის გავლის დამადასტურებელი სერთიფიკატები.