V საერთაშორისო სამეცნიერო-პრაქტიკული ინტერდისციპლინური კონფერენცია!

2024 წლის 11 დეკემბერს თბილისის ჰუმანიტარულ სასწავლო უნივერსიტეტში კვლევებისა და განვითარების ცენტრის ორგანიზებით ჩატარდა რიგით V საერთაშორისო სამეცნიერო-პრაქტიკული ინტერდისციპლინური კონფერენცია.    

კონფერენციაზე მონაწილეობა მიიღო 47-მა მონაწილემ, მათ შორის იყვნენ მეცნიერების სხვადასხვა დარგის პროფესორ/მასწავლებლები როგორც საქართველოს, ისე საზღვარგარეთის უმაღლესი საგანმანათლებო დაწესებულებებიდან (გერმანია, რუმინეთი,  პოლონეთი, უკრაინა)  

კონფერენციის დასაწყისში მონაწილეებს მისასალმებელი სიტყვით მიმართეს უნივერსიტეტის პრორექტორებმა, დევი ხვედელიანმა და ლია ჭიღლაშვილმა;  კვლევებისა და განვითარების ცენტრის უფროსმა სპეციალისტმა მაია მელაძემ და ეკონომიკის, ბიზნესისა და მართვის ფაკულტეტის დეკანმა, ნონა გელიტაშვილმა.

კონფერენცია მოიცავდა ოთხ სექციას, - მედიცინა, სამართალი, ბიზნეს-ეკონომიკა და ფსიქოლოგია. სექციებს უძღვებოდნენ მოდერატორები. კონფერენციაზე, ასევე მოწვეული იყვნენ საპატიო სტუმრებიც.

მონაწილეთა მიერ წარმოდგენილი მოხსენებები გამოირჩეოდა აკადემიზმითა და სამეცნიერო სიახლეებით. კონფერენციის დასასრულს გაიმართა კითხვა-პასუხის სესია და დისკუსია, სადაც მოსმენილი იქნა საინტერესო მოსაზრებები მეცნიერების სხვადასხვა დარგის პოპულარიზაციისა და მისი შემდგომი განვითარებისათვის.

V საერთაშორისო კონფერენციაზე წარმოდგენილი ნაშრომები გამოიცემა თჰუ-ს სამეცნიერო ჟურნალში. კონეფერენციის ყველა მონაწილეს გადაეცემათ ინგლისურენოვანი საერთაშორისო სერტიფიკატები.