ვებინარი: მკვლევრის ციფრული იდენტობა და ნაშრომის ხილვადობა - DOI, ORCID და ციტირებადობა.

2026 წლის 2 ივლისს, თბილისის ჰუმანიტარულ უნივერსიტეტში, კვლევისა და განვითარების ცენტრის ორგანიზებით და ეკონომიკის კვლევისა და განვითარების ინსტიტუტთან თანამშრომლობით, ჩატარდა ვებინარი მკვლევრის ციფრული იდენტობის შესახებ.

ვებინარის ფარგლებში, ეკონომიკის კვლევისა და განვითარების ინსტიტუტის დირექტორმა, ეკონომიკის დოქტორმა,  პროფესორმა ვალერი მოსიაშვილმა, მიმოიხილა DOI-ის, ORCID-ისა და ციტირებადობის მნიშვნელობა თანამედროვე აკადემიურ სივრცეში.

შეხვედრა განკუთვნილი იყო კვლევით საქმიანობაში ჩართული ყველა დაინტერესებული პირისთვის, რომელთაც სურდათ, გაეღრმავებინათ ცოდნა საკუთარი კვლევითი ხილვადობისა და აღიარების გაძლიერების შესახებ.

მადლობას ვუხდით ყველა მონაწილესა და პარტნიორ ორგანიზაციას აქტიური ჩართულობისთვის!