თბილისის ჰუმანიტარული უნივერსიტეტი DAAD-ისა და GIZ-ის ერთობლივი ორგანიზებით გამართულ უმაღლესი განათლების ინოვაციური სტრატეგიების დიალოგზე (DIES Dialogue) 31.10.2026

თბილისის ჰუმანიტარული უნივერსიტეტი DAAD-ისა და GIZ-ის ერთობლივი ორგანიზებით გამართულ უმაღლესი განათლების ინოვაციური სტრატეგიების დიალოგზე (DIES Dialogue)

2026 წლის 19–20 ოქტომბერს გაიმართა DIES Dialogue კონფერენცია „უმაღლესი განათლებისა და შრომის ბაზრის თანამშრომლობა – დასაქმებადობის გაძლიერება და მისი დანერგვა სასწავლო პროგრამების განვითარების პროცესში“. კონფერენცია ერთობლივად მოაწყვეს გერმანიის აკადემიური გაცვლის სამსახურის (DAAD) თბილისის რეგიონულმა ოფისმა და გერმანიის საერთაშორისო თანამშრომლობის საზოგადოებამ (GIZ).

კონფერენციას თბილისის ჰუმანიტარული უნივერსიტეტის სახელით ესწრებოდა კვლევებისა და განვითარების ცენტრის ხელმძღვანელი, დოქტორი ირმა მესირიძე.

კონფერენციის მთავარი კითხვა იყო, როგორ შეუძლიათ ქართულ უნივერსიტეტებს კურსდამთავრებულების შრომის ბაზრისთვის უკეთ მომზადება. პროგრამა მოიცავდა გერმანელი და ქართველი ექსპერტების მოხსენებებს, ორ პანელურ დისკუსიას და პარალელური ვორქშოფების ორ რაუნდს.

ყურადღება დაეთმო:

  -   დასაქმებადობის ჩაშენებას სასწავლო პროგრამებში

  -   თეორიისა და პრაქტიკის ინტეგრაციას

  -   დუალური სწავლების მოდელს

  -   უნივერსიტეტებისა და ბიზნესის პარტნიორობას

  -   ცოდნისა და ტექნოლოგიების ტრანსფერს

გერმანული გამოცდილება წარმოდგენილი იყო არა მზა მოდელად, არამედ პრინციპების წყაროდ, რომელიც ქართულ უმაღლეს საგანმანათლებლო დაწესებულებებს საკუთარი გადაწყვეტების შემუშავებაში დაეხმარება.

მსგავსი სიახლეები

საჯარო ლექცია - პროფესია ეკონომისტი 19.06.2021

საჯარო ლექცია - პროფესია ეკონომისტი

2021 წლის 29 ივნისს, 19:00 საათზე, ეკონომიკის, ბიზნესისა და მართვის ფაკულტეტის ორგანიზებით, ტარდება საჯარო ლექცია თემაზე: „პროფესია...

ვრცლად